ﺍﻭﺯﺑﯿﮕﯿﻢ

ﺗﺎﺭﯾﺨﯿﻨﮓ ﺩﻭﺭﻣﯿﻨﮓ ﻋﺼﺮﻟﺮ ﺍﯾﭽﺮﻩ ﭘﻨﻬﺎﻥ ﺍﻭﺯﺑﯿﮕﯿﻢ ،

ﺳﯿﻨﮕﻪ ﺗﯿﻨﮕﺪﺍﺵ ﭘﺎﻣﯿﺮ ﻭ ﺍﻗﺴﺎﭺ ﺗﯿﺎﻧﺸﺎﻥ ﺍﻭﺯﺑﯿﮕﯿﻢ

ﺳﻮﯾﻠﻪ ﺳﯿﻦ ﺍﻓﺮﺍﺳﯿﺎﺏ ﻭ ﺳﻮﯾﻠﻪ ﺳﯿﻦ ﺍﻭﺭﺧﻮﻥ ﺧﻄﯽ ،

ﮐﻬﻨﻪ ﺗﺎﺭﯾﺦ ﺷﺎﺩﻩ ﺳﯿﺪﻩ ﺑﯿﺘﻪ ﻣﺮ ﺟﺎﻥ ﺍﻭﺯﺑﯿﮕﯿﻢ .

ﺍﻟﺒﯿﺮﻭﻧﯽ ، ﺍﻟﺨﻮﺍﺭﺯﻣﯽ ، ﺍﻟﻔﺎﺭﺍﺏ ﺍﻭﻻ‌ ﺩ ﯾﺪ ﯾﻦ ،

ﺍﺻﻞ ﻧﺴﻠﯽ ﺑﻠﮑﻪ ﺍﻭﺯﻟﻮﻕ ، ﺑﻠﮑﻪ ﺗﺮﺧﺎﻥ ﺍﻭﺯﺑﯿﮕﯿﻢ .

ﺍﻭﺗﺪﯾﻠﺮ ﺷﻮﺭﻟﯿﮏ ﺑﺎﺷﯿﻨﮕﺪﻥ ﺍﻭﯾﻨﻪ ﺗﯿﺐ ﺷﻤﺸﯿﺮﻟﺮﯾﻦ ،

ﻧﯿﭽﻪ ﺧﺎﻗﺎﻥ ، ﻧﯿﭽﻪ ﺳﻠﻄﺎﻥ ، ﻧﯿﭽﻪ ﻣﯿﻨﮓ ﺧﺎﻥ ، ﺍﻭﺯﺑﯿﮕﯿﻢ

ﺗﺎﻏﻠﺮﯾﻨﮓ ﺗﯿﮕﺮﻩ ﮔﯿﺪﻥ ﮔﻮﯾﺎ ﺑﻮﻏﻤﻪ ﺍﮊﺩﺭ ﺑﻮﻟﺪ ﯾﻮ ،

ﺍﯾﮑﮑﯽ ﺩﺭﯾﺎ - ﺍﯾﮑﮑﯽ ﭼﺸﻤﯿﻨﮓ ، ﭼﺸﻢ ﮔﺮﯾﺎﻥ ﺍﻭﺯﺑﯿﮕﯿﻢ .

ﻗﯿﺼﺮﯼ ﺭﻭﻡ ﻧﯿﺰﻩ ﺳﯿﺪﻥ ﺑﻐﺮﯾﺪﻩ ﺩﺍﻍ ﺍﻭﺯﺭﻩ ﺩﺍﻍ ،

ﭼﯿﻨﮕﯿﺰﻭ ﺑﺎﺕﻭﺗﯿﻐﯽ ﮔﻪ ﮐﻮﮐﺴﯽ ﻗﻠﻘﺎﻥ ﺍﻭﺯﺑﯿﮕﯿﻢ .

ﯾﺎﻏﺪﯼ ﺗﻮﺭﺕ ﯾﺎﻧﺪﻥ ﻋﺼﺮﻟﺮ ﺑﺎﺷﯿﻨﮕﻪ ﺗﯿﺮﯼ ﮐﻤﺎﻥ ،

ﻋﻤﺮﯼ ﻗﺮﺑﺎﻥ ، ﻣﻠﮏ ﺗﺎﺭﺍﺝ ، ﯾﻮﺭﺗﯽ ﻭﯾﺮﺍﻥ ، ﺍﻭﺯﺑﯿﮕﯿﻢ .

ﺩﻭﺭ ﻇﻠﻤﯿﮕﻪ ﻭﻟﯿﮑﻦ ﺑﯿﺮ ﻋﻤﺮ ﺑﺎﺵ ﺍﯾﮕﻤﻪ ﺩﯾﻨﮓ ،

ﺳﯿﻦ - ﻣﻘﻨﻊ ، ﺳﺮﺑﺪﺍﺭ- ﺳﯿﻦ ، ﺍﯾﺮﮎ ﺳﯿﻮﺭ ﺧﺎﻥ ﺍﻭﺯﺑﯿﮕﯿﻢ .

ﺳﯿﻦ ﻧﻪ ﺯﺭﺩﺷﺖ ، ﺳﯿﻦ ﻧﻪ ﺑﻮﺩﯼ ، ﺳﯿﻨﮕﻪ ﻧﻪ ﺁﺗﺶ ، ﺻﻨﻢ ،

ﺁﺩﻣﯽ ﻟﯿﮏ ﺩﯾﻨﯽ ﺑﯿﺮﻟﻪ ﺗﺎﺯﻩ ﺍﯾﻤﺎﻥ ﺍﻭﺯﺑﯿﮕﯿﻢ .

ﻣﻌﺮﻓﺘﻨﯿﻨﮓ ﺷﻌﻠﻪ ﺳﯿﮕﻪ ﺗﺎﻟﭙﯿﻨﯿﺐ ﻇﻠﻤﺖ ﺍﺭﺍ ،

ﮐﻮﺯﻟﺮﯾﻢ ﺩﻥ ﺁﻗﺪﯼ ﺗﻮﻥ ﻟﺮ ﮐﻮﮐﺒﺴﺘﺎﻥ ، ﺍﻭﺯﺑﯿﮕﯿﻢ .

ﺗﻮﺯﺩﯾﻮ ﻣﯿﺮﺯﺍ ﺍﻭﻟﻮﻍ ﺑﯿﮓ ﮐﻮﺭﺍﮔﺎﻧﯽ ﺟﺪ ﻭ ﻟﯿﻦ ،

ﺳﯿﺮﻟﯽ ﺁﺳﻤﺎﻥ ﺗﺎﻗﯿﮕﻪ ﺍﯾﻠﮏ - ﻗﻮﯾﺪﯼ ﻧﺮﻭﺍﻥ ﺍﻭﺯﺑﯿﮕﯿﻢ .

ﻣﯿﺮ ﻋﻠﯽ ﺷﯿﺮ ﻧﻌﺮﻩ ﺳﯿﮕﻪ ﻋﮑﺲ - ﺻﺪﺍ ﺑﯿﺮﺩﯼ ﺟﻬﺎﻥ ،

ﺷﻌﺮﯾﺖ ﻣﻠﮑﯿﺪﻩ ﺑﻮﻟﺪﯼ ﺷﺎﻩ ﻭ ﺳﻠﻄﺎﻥ ، ﺍﻭﺯﺑﯿﮕﯿﻢ .

ﻋﻠﻢ ﻭ ﺷﻌﺮ ﺩﻩ ﺷﺎﻩ ﻭ ﺳﻠﻄﺎﻥ ، ﻟﯿﮏ ﺗﻘﺪﯾﺮﯾﮕﻪ ﻗﻞ ،

ﺍﻭﺯ ﺍﯾﻠﯿﺪﻩ ﭼﯿﮑﺪﯼ ﻏﺮﺑﺖ ، ﺯﯾﺮ ﻧﺎﻻ‌ ﻥ ﺍﻭﺯﺑﯿﮕﯿﻢ .

ﻣﯿﺮﺯﺍ ﺑﺎﺑﺮ - ﺳﯿﻦ ، ﻓﻐﺎﻧﯿﻨﮓ ﺳﺎﻟﺪﯼ ﻋﺎﻟﻢ ﺍﻭﺯﺭﻩ ﺍﻭﺕ ،

ﺷﺎﻩ ﻣﺸﺮﻑ ﻗﺎﻧﯽ ﺳﯿﻨﺪﻩ ﺍﻭﺭﺩﯼ ﻃﻐﯿﺎﻥ ، ﺍﻭﺯﺑﯿﮕﯿﻢ .

ﺷﻌﺮﯾﺘﯿﻨﮓ ﮔﻠﺸﻨﯿﺪﻩ ﺳﻮﻟﺪﯼ ﻣﺤﺰﻭﻥ ﻧﺎﺩﺭﻩ ،

ﺳﯿﻢ ﺗﻨﯿﻨﯽ ﯾﻮﺩﯼ ﮐﻮﺯ ﯾﺎﺵ ، ﮐﻮﻣﺪﯼ ﺁﺭﻣﺎﻥ ، ﺍﻭﺯﺑﯿﮕﯿﻢ .

ﯾﻐﻠﻪ ﺩﯼ ﻓﺮﻗﺖ ﺩﻩ ﻓﺮﻗﺖ ﻫﻢ ﻣﻘﯿﻢ ﻟﯿﮑﺪﻩ ﻣﻘﯿﻢ ،

ﻧﺎﻟﯿﺸﯿﻨﮕﺪﻥ ﻫﻨﺪﻭ ﺍﻓﻐﺎﻥ ﻗﯿﻠﺪﯼ ﺍﻓﻐﺎﻥ ﺍﻭﺯﺑﯿﮕﯿﻢ .

ﺗﺎﺭﯾﺨﯿﻨﮓ ﺑﯿﺘﻤﮑﮑﻪ ،ﺧﻠﻘﯿﻢ ، ﻣﯿﻨﮕﺘﻪ ﻓﺮﺩﻭﺳﯽ ﮐﯿﺮﻩ ﮎ ،

ﭼﻮﻧﮑﻪ ﺑﯿﺮ ﺑﺎﺭ ﭼﯿﮑﮑﻦ ﺁ ﻫﯿﻨﮓ ، ﻣﯿﻨﮕﺘﻪ ﺩﺍﺳﺘﺎﻥ ﺍﻭﺯﺑﯿﮕﯿﻢ .

ﺁ ﺭﺗﺪﻩ ﻗﺎﻟﺪﯼ ﮐﻬﻨﻪ ﺗﺎﺭﯾﺦ ﺁ ﺭﺗﺪﻩ ﻗﺎﻟﺪﯼ ﺩﺭﺩ ، ﺳﺘﻢ ،

ﮐﯿﺘﺪﯼ ﻭﻩ ﻣﯿﻨﮓ ، ﺑﯿﺘﺪﯼ ﺯﺧﻤﯿﻨﮓ ،ﺗﺎﭘﺪﯼ ﺩﺭﻣﺎﻥ ﺍﻭﺯﺑﯿﮕﯿﻢ .

ﺑﻮﻟﺪﯼ ﺁﺳﻤﺎﻧﯿﻨﮓ ﭼﺮﺍﻏﺎﻥ ، ﻃﺎﻟﻊ ﺧﻮﺭﺷﯿﺪﯼ ﺑﯿﻠﻦ ،

ﺑﻮﻟﺪﯼ ﻋﺼﺮ ﺗﯿﺮﻩ ﺷﺎﻣﯿﻨﮓ ﺷﻌﻠﻪ ﺍﻓﺸﺎﻥ ﺍﻭﺯﺑﯿﮕﯿﻢ .

ﻣﯿﻦ ﻭﻃﻦ ﻧﯽ ﺑﺎﻍ ﺩﯾﺐ ﺍﯾﺘﺴﻢ ،ﺳﯿﻦ ﺳﻦ ﺍﻭﻧﺪﻩ ﺑﯿﺘﻪ ﮔﻞ ،

ﻣﯿﻦ ﻭﻃﻦ ﻧﯽ ﮐﻮﺯ ﺩﯾﺐ ﺍﯾﺘﺴﻢ ، ﺑﯿﺘﻪ ﻣﮋﮔﺎﻥ ﺍﻭﺯﺑﯿﮕﯿﻢ .

ﻓﺨﺮ ﺍﯾﺘﺮ ﻣﻦ ، ﺁ ﻧﻪ ﺧﻠﻘﯿﻢ ، ﮐﻮﮐﺮﻩ ﮔﯿﻢ ﻧﯽ ﺗﺎﻍ ﻗﯿﻠﯿﺐ ،

ﮐﻮﮐﺮﻩ ﮔﯿﺪﻩ ﺗﺎﻍ ﮐﻮﺗﺮﮔﻦ ﺗﻨﺘﯽ ﺩﻫﻘﺎﻥ ﺍﻭﺯﺑﯿﮕﯿﻢ .

ﺍﻭﺯﺑﯿﮕﯿﻢ ﺩﯾﺐ ﮐﯿﻨﮓ ﺟﻬﺎﻧﮕﻪ ﻧﯽ ﺍﻭﭼﻮﻥ ﻣﺪﺡ ﺍﯾﺘﻤﻪ ﯾﯿﻦ !

ﺍﻭﺯﻟﯿﮕﯿﻢ ﺑﯿﻠﻤﺎﻗﻘﻪ ﺩﻭﺭﯾﻢ ﺑﯿﺮﺗﻪ ﺍﻣﮑﺎﻥ ، ﺍﻭﺯﺑﯿﮕﯿﻢ .

ﻣﯿﻦ ﺑﯿﻮﮎ ﯾﻮﺭﺕ ﺍﻭﻏﻠﯽ ﺩﻭﺭ ﻣﻦ ، ﻣﯿﻦ ﺑﺸﺮ ﻓﺮﺯﻧﺪ ﯾﻤﻦ ،

ﻟﯿﮑﻦ ﺍﻭﻝ ﺳﯿﻨﮕﻪ ﺑﻮﻟﺴﻢ ﺻﺎﺩﻕ ﺍﻭﻏﻼ‌ﻥ ﺍﻭﺯﺑﯿﮕﯿﻢ .

ﻣﯿﻨﮕﻪ ﭘﻮﺷﮑﯿﻦ ﺑﯿﺮ ﺟﻬﺎﻥ ﻭ ﻣﯿﻨﮕﻪ ﺑﺎﯾﺮﻭﻥ ﺑﯿﺮ ﺟﻬﺎﻥ ،

ﻟﯿﮏ ﻧﻮﺍﯾﯽ ﺩﯾﮏ ﺑﺎﺑﺎمﺑﺎﺭ ﮐﻮﮐﺴﻢ ﺁ ﺳﻤﺎﻥ ﺍﻭﺯﺑﯿﮕﯿﻢ .

ﻗﯿﺪﻩ ﺑﺎﺭﻣﯽ ، ﺑﺎﺷﺪﻩ ﺗﻮﭘﻢ ، ﺷﻬﺮﺗﯿﻢ ، ﻗﺪﺭﯾﻢ ﺑﯿﻮ ﮎ ،

ﻋﺎﻟﻢ ﺍﻭﺯﺭﻩ ﻧﺎﻣﯽ ﮐﯿﺘﮕﻦ ﺍﻭﺯﺑﯿﮑﺴﺘﺎﻥ ﺍﻭﺯﺑﯿﮕﯿﻢ .

ﺑﻮ ﻗﺼﯿﺪﻡ ﺳﯿﻨﮕﻪ ، ﺧﻠﻘﯿﻢ ، ﺁ ﻕ ﺳﻮﺕ ﻭ ﺗﻮﺯ ﺣﺮﻣﺘﯽ ،

ﺍﯾﺮﮐﯿﻦ ﺍﻭﻏﻠﯿﻨﮓ ﻣﻦ ، ﻗﺒﻮﻝ ﺍﯾﺖ ، ﺍﻭﺯﺑﯿﮕﯿﻢ ﺟﺎﻥ ﺍﻭﺯﺑﯿﮕﯿﻢ .

ﺍﯾﺮﮐﯿﻦ " ﻭﺍﺣﺪﻭﻑ"

نوت: بو شعر آنه تیلیم صفحه سیندن آلنگن.